Published by Training Egypt SU
لو كنت من الناس اللي عايزة تتواصل بلغة يفهمها العالم عشان تقرب من أبعاد أكبر وعالم أوسع ومجالات تقدر توصلك للي إنت عايزه، أو كنت من الناس اللي متعلموش اللغة من صغرهم، أو اتعلمت اللغة بس عدم الممارسة خلاك قلقان من إستخدامها، خايف، محرج تقول حاجة غلط، أو لو كنت من الناس اللي بتعرف تكتب انجليزي كويس وبتفهم كويس لكن اللكنة محتاجة تقوية عشان تبقى أقرب من اللكنة الأصلية

لو كنت من أي نوع مما سبق، فإنت زينا كلنا :)

وكلنا محتاجين ننمي مهاراتنا والتواصل واللغات مهارة مش بس علم

في ورشة "إنجليزي بحق وحقيقي" حتعرف الفرق بين اللي بيتدرس في المعاهد وتاخد فيه شهادات وتدفع فيه ألافات، وبين الانجليزي الإبداعي على طريقتنا، المهارة عشان تكتسب بالنسبة للكبار لها طرق خاصة غير بتاعة الكتب والمناهج والمتحانات والواجبات، لها طرق إبداعية بتخلي التجربة جميلة، مجزية، في فترة صغيرة، بدون ما المُتلقي يحس انه تلميذ وفي مدرسة تاني، ومن غير ما يحس انه مكسوف وقلقان ومحرج، لأن الكسوف ده هو أهم عائق قدام إكتساب مهارة اللغة

ولأن أقرب طريق لعقل الواحد قلبه :) هنستخدم أوجه الإبداع (موسيقى - سينما - رياضة - سياسة، الخ) المفضلة لدى المشتركين في الورشة، إزاي؟ حتعرفوا في الورشة إن شاء الله :) ومعانا بنوعدك:

- لكنة سليمة

- فهم صحيح

- استمتاع بورشة إبداعية مختلفة

- ومحادثة إنسيابية

read more